Արցախում՝ 61 ավերակված դպրոց, 10 մանկապարտեզ. Լուսինե Ղահրամանյան

Արցախի Հանրապետությունում Ադրբեջանի սանձազերծած պատերազմական գործողությունների ընթացքում ավերվել է 61  դպրոց, 10 մանկապարտեզ։ 

«61 ավերակված դպրոց, 10 մանկապարտեզ և միջազգային հանրության հանցավոր անտարբերություն»,- Արցախի տեղեկատվական շտաբի հաղորդմամբ՝ թվերը ներկայացրել է ԱՀ կրթության, գիտության և մշակույթի նախարար Լուսինե Ղահրամանյանը։ 

Հիշեցնենք՝  ավելի վաղ Արցախի ՄԻՊ գրասենյակից հայտնել էին, որ մինչև հոկտեմբերի 31-ը ներառյալ Արցախում 60 բնակավայրերին հասցվել է նյութական մեծ վնաս, մասնավորապես՝ 13100 մասնավոր անշարժ գույք, 2000 մասնավոր շարժական գույք, 2700 ենթակառուցվածքներ, հանրային և արտադրական նշանակության օբյեկտներ: