Թշնամին փորձել է առաջխաղացում ունենալ Շուշիի ուղղությամբ, բայց փորձերը ձախողվել են. Սարումյան

«Երեկ օրվա ընթացքում և գիշերը մարտական գործողությունները շարունակվել են ռազմաճակատի տարբեր հատվածներում»,- այսօր լրագրողների հետ զրույցում ասաց ԱՀ ՊԲ մամուլի խոսնակ Սուրեն Սարումյանը:

Նա նշեց, որ Ադրբեջանի Զինված ուժերը կրկին կիրառել են իրենց տրամադրության տակ եղած գրեթե ողջ զինանոցը՝ գրոհներ ձեռնարկելով ՊԲ դիրքերի ուղղությամբ և որոշ հատվածներում առաջխաղացման փորձ կատարելով:

«Առաջխաղացման բոլոր փորձերը ձախողվել են, որովհետև հետախուզության միջոցներով շարասյուները հայտնաբերվել են և խոցվել: Առաջխաղացման փորձը հիմնականում Շուշիի ուղղությամբ է եղել, սակայն, ընդհանուր առմամբ, լարվածություն է եղել ամբողջ ռազմաճակատում:

Բացի այդ՝ հակառակորդը կրկին փորձել է ԱԹՍ-ներ կիրառել Ստեփանակերտի մերձակայքում, բայց դրանք մեր ՀՕՊ ստորաբաժանումների կողմից խոցվել են»,- տեղեկացրեց Սուրեն Սարումյանը։