ԱՀԿ-ի ղեկավարն ինքնամեկուսացել է՝ կորոնավիրուսի դրական դեպքի հետ շփումից հետո

Առողջապահության համաշխարհային կազմակերպության ղեկավար Թեդրոս Ադհանոմ Գեբրեյեսուսն ինքնամեկուսացել է՝ Covid-19-ով վարակված անձի հետ շփումից հետո։ Այս մասին գրում է Guardian-ը։

Ադհանոմը թվիթերում հայտնել է, որ գտնվում է Ժնևում ու ախտանիշներ չունի:

«Ես լավ եմ և առանց ախտանիշների, բայց առաջիկա օրերին ինքնամեկուսացման մեջ կլինեմ՝ ԱՀԿ արձանագրություններին համահունչ և կաշխատեմ տնից», - ավելացրել է նա:

Ըստ Հոփքինսի համալսարանի տվյալների, կորոնավիրուսից մահացել է ավելի քան 1.2 մլն մարդ, վարակվել է մոտ 47 մլն-ը, ապաքինվել է 33 մլն-ից ավելին։