Հարցաքննության է կանչվել խաղաղության կոչ արած ևս մեկ ադրբեջանցի ակտիվիստ

Ադրբեջանցի քաղաքական ակտիվիստ Ամրա Թախմազովը կանչվել է պետական անվտանգության ծառայություն հարցաքննության: Կանչի պատճառը չի նշվել, սակայն Թախմազովը OC Media-ին ասել է, որ դա ամենայն հավանականությամբ պայմանավորված է իր հակապատերազմական դիրքորոշմամբ, որը նա արտահայտում է սոցիալական ցանցերում:

Թախմազովն ասել է, որ վստահ է, որ պետական անվտանգության վարչությունը բազմաթիվ բողոքներ է ստացել իր հրապարակումների վերաբերյալ, բայց չի կարծում, որ իրեն կձերբակալեն:

Նշվում է, որ Թախմազովը առաջին ադրբեջանցի ակտիվիստը չէ, ով հարցաքննվել է հակապատերազմական հայտարարությունների համար: