17 կուսակցություններ նոյեմբերի 11-ին Ազատության հրապարակում հրավիրում են հանրահավաքի

17 կուսակցությունների խորհուրդը տարածել է հայտարարություն.

«Սիրելի´ հայրենակիցներ

Ցավոք, երեկ գրվեց մեր պատմության ամենաամոթալի էջը: Ռազմաճակատում սեփական արյամբ հող ու պետականություն պաշտպանող զինվորի և բոլորիս թիկունքում ազգադավ համաձայնագիր է ստորագրվել: Այս պահին խիստ անհրաժեշտություն են մեր հավաքական միասնականությունը, ներքին խժդժությունների և սադրանքների բացառումը:

Վաղը՝ նոյեմբերի 11-ին, ժամը 13:00-ին Ազատության հրապարակում հրավիրում ենք հանրահավաքի, ուր ձեզ կներկայացնենք ստեղծված իրավիճակից ելքը»։ 

Հիշեցնենք, որ երեկ 17 կուսակցությունները տարածել էին հայտարարություն՝ պահանջելով վարչապետ Նիկոլ Փաշինյանի և նրա կառավարության անցնցում հեռացումը։