Ամենից շատ կարդացված նյութեր
.jpg "ԿԽՄԿ ղեկավար. Լեռնային Ղարաբաղում հակամարտության կողմերը փոխանակում են զոհվածների դիերը")
ԿԽՄԿ ղեկավար. Լեռնային Ղարաբաղում հակամարտության կողմերը փոխանակում են զոհվածների դիերը
Կարմիր Խաչի միջազգային կոմիտեի (ԿԽՄԿ) նախագահ Փիթեր Մաուրերն ասել է, որ իր ունեցած վերջին տեղեկությունների համաձայն՝ ղարաբաղյան հակամարտության կողմերն արդեն փոխանակել են 200 զոհվածների մարմիններ, կազմակերպությունը շարունակելու է ջանքեր գործադրել այս ուղղությամբ: Այս մասին նա ասել է Ռիա նովոստիին։
Ըստ Մաուրերի, Լեռնային Ղարաբաղում ԿԽՄԿ գործունեության առաջնահերթությունները տեղահանված բնակչությանը օգնելն է, մահացածների մարմինները փոխանակումը, ինչպես նաև գերիներին այցելելը` հնարավոր բանակցություններին և փոխանակումներին պատրաստվելու համար:
Նա ասել է, որ ռուս խաղաղապահների և ԿԽՄԿ ներկայությամբ կողմերը սկսել են դիերի փոխանակումը։
«Ըստ իմ վերջին տեղեկությունների, (կողմերը) արդեն փոխանակել են 200 մարմին: Մենք շարունակելու ենք ջանքեր գործադրել», - նշել է ԿԽՄԿ նախագահը:
Երեքշաբթի օրը Մաուրերը Մոսկվայում կհանդիպի Ռուսաստանի արտաքին գործերի նախարար Սերգեյ Լավրովի հետ: Ուրբաթ օրը ՌԴ ԱԳՆ պաշտոնական ներկայացուցիչ Մարիա Զախարովան ասել էր, որ հանդիպման ընթացքում կողմերը նախատեսում են փոխանակվել գնահատականներով Լեռնային Ղարաբաղում տեղի ունեցածի վերաբերյալ և քննարկել հնարավոր փոխգործակցությունը կորոնավիրուսի համատեքստում:
Studio One