Գերմանացի պատգամավորները կոչ են անում արգելել թուրք ծայրահեղ ազգայնական Գորշ գայլերի գործունեությունը

Գերմանացի օրենսդիրները կառավարությանը կոչ են արել քննարկել «Գորշ գայլեր» անվամբ հայտնի թուրքական ծայրահեղ ազգայնական խմբավորման արգելման հարցն այն բանից հետո, երբ Ֆրանսիան արգելեց խմբավորման գործունեությունը։ Այս մասին հայտնել է Agence France Presse-ը։

Ստորին պալատի պատգամավորները «Գորշ գայլերին» մեղադրել են որպես Թուրքիայի նախագահ Ռեջեփ Թայիփ Էրդողանին դաշնակից կուսակցության թև, «ազգայնական և ռասիստական գաղափարախոսությամբ»:

Պատգամավորները պաշտպանել են միջնորդությունը, որով կառավարությանը խնդրում են «ուշադիր հետևել շարժման գործունեությանը Գերմանիայում և մեր օրենքի գերակայության միջոցով վճռականորեն հակազդել դրանց»:

Գերմանիայում կա շուրջ 11000 թուրք աջ ծայրահեղական, ասվում է միջնորդության մեջ:

Հիշեցնենք, որ նոյեմբերի սկզբին Ֆրանսիան հայտարարեց, որ արգելելու է «Գորշ գայլերին» այն բանից հետո, երբ հարձակում եղավ Հայոց ցեղասպանության հուշահամալիրի վրա։