Մոսկվայի դրամատիկական թատրոնը կարող է կոչվել Ջիգարխանյանի անունով

Մոսկվայի դրամատիկական թատրոնը, որը ղեկավարում էր ԽՍՀՄ ժողովրդական արտիստ Արմեն Ջրգարխանյանը, հնարավոր է կրի նրա անունը։  Թատերախումբը մտադիր է նման առաջարկով առաջիկայում դիմել մայրաքաղաքի իշխանություններին։ Այս մասին գրում է rg.ru կայքը։

Թատրոնին հիմնադրի անունը տալու որոշումը միաձայն ընդունվել է կոլեկտիվի ընդհանուր ժողովում:

«Որոշում է կայացվել խնդրել Մոսկվայի քաղաքապետարանի մշակույթի բաժնին` թատրոնին տալ հիմնադրի անունը, որպեսզի այն կոչվի ոչ թե «Ջիգարխանյանի ղեկավարությամբ», այլ «Մոսկվայի Ջիգարխանյանի անվան թատրոն»,- աղբյուրի խոսքերը մեջբերել է Ռիա նովոստին։

Ջիգարխանյանը Մոսկվայի դրամատիկական թատրոնը ստեղծել է 1996 թվականին իր կուրսի հիմքով։

Արմեն Ջիգարխանյանը մահացել է նոյեմբերի 14–ին 85 տարեկանում։