Փոխհատուցվելու են պատերազմին մասնակցած ուսանողների և մասնակիցների ուսանող զավակների ուսման վարձերը

Կառավարության այսօրվա նիստի ավարտին Նիկոլ Փաշինյանը նկատեց, որ ընդունված սոցիալական աջակցության որոշումները իր հրապարակած ճանապարհային քարտեզի շրջանակներում են:

Նա հայտնեց, որ պատրաստվում է կառավարության որոշման նախագիծ, որով փոխհատուցվելու են պատերազմին մասնակցած ուսանողների և պատերազմին մասնակից անձանց ուսանող զավակների 2020 թվականի երկրորդ կիսամյակի ուսման վարձերը: Նիկոլ Փաշինյանը հավաստիացրեց, որ այդ որոշումը կընդունվի կառավարության հաջորդ նիստում:

Նա ԿԳՄՍ նախարարին կոչ արեց այնպես անել, որ մինչ այդ ուսման վարձերի հետ կապված խնդիրներ չծագեն բուհերում: