Լեռնային Ղարաբաղում ռուս բժիշկներն արդեն ընդունել են ավելի քան 300 բնակչի

Անցած շաբաթների ընթացքում Ռուսաստանի ռազմական բժիշկները հետազոտել են Լեռնային Ղարաբաղի ութ բնակավայրերի ավելի քան 300 բնակիչների: Ռիա Նովոստիին հայտնել է ՌԴ Խաղաղապահ գործողությունների կենտրոնի բժշկական աջակցության կենտրոնի ղեկավար փոխգնդապետ Եգոր Դեմիդովիչը:

«Մենք արդեն այցելել ենք ութ բնակավայր, ուսումնասիրել ենք ավելի քան 300 մարդու: Այս պահին մենք աշխատում ենք միայն Ասկերանի շրջանում», -ասել է  Դեմիդովիչը:

Նրա խոսքով,  Ասկերանի շրջանից հետո, ամենայն հավանականությամբ, ՌԴ  ռազմական բժիշկները կշարունակեն օգնություն ցուցաբերել Մարտունու շրջանի բնակիչներին:

Դեմիդովիչն ասել է, որ բժշկական բրիդագների այցելությունները կազմավորվում են բազմաֆունկցիոնալության սկզբունքի համաձայն, դրանք ներառում են թերապևտներ, վիրաբույժներ, ինչպես նաև այլ մասնագետներ՝ կախված որոշակի տարածքի կարիքներից:

«Մենք մեր հետ վերցնում ենք նաև մեր սարքավորումները: Հեռավոր վայրերում, որպես կանոն, մասնագետներ չկան, բացի բուժքույրից: Հետևաբար, մենք սարքավորումները բերում ենք մեզ հետ և աշխատում դրանցով», - նշել է նա: