Իրանում Թուրքիայի դեսպանին կանչել են ԱԳՆ՝ Բաքվում Էրդողանի հայտարարությունների կապակցությամբ

Իրանի ԱԳն-ն կանչել է Թեհրանում Թուրքիայի դեսպանին՝ կապված Բաքվում Թուրքիայի նախագահ Ռեջեփ Թայիփ Էրդողանի հայտարարության հետ: ТАСС- ի փոխանցմամբ՝ այս մասին հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն:

«Թուրքիայի դեսպանին տեղեկացրել են, որ տարածքային պահանջների և ռազմատենչ կայսերական էքսպանսիայի դարաշրջանն ավարտվել է երկար տարիներ»,- նրա խոսքը մեջբերում է նախարարության մամուլի ծառայությունը:

Սաիդ Խաթիբզադեն նաև ընդգծվել է, որ Իրանը ոչ ոքի թույլ չի տա խախտել իր տարածքային ամբողջականությունը: