Իրանում մահապատժի են ենթարկել «Amad News» պորտալի ղեկավարին

Շաբաթ օրը Իրանում մահապատժի է ենթարկվել «Amad News» լրատվական պորտալի ղեկավար Ռուհոլլահ Զամը: «Mehr News»-ի տարածած լուրը ներկայացնում է «ՌԻԱ նովոստի»-ին:

Հաղորդվում է, որ մահապատիժն իրականացվել է շաբաթ առավոտյան կախաղան բարձրացնելու միջոցով:

Այս շաբաթվա սկզբին հայտնի էր դարձավ, որ Իրանի իշխանությունները հաստատել են «Amad News» լրատվական պորտալի ղեկավարի մահապատժի վճիռը, որը օժանդակություն էր ստացել օտարերկրյա հետախուզական ծառայություններից:

2019-ի հոկտեմբերի կեսերին Իսլամական հեղափոխության պահապանների կորպուսը (ԻՊԿ, Իրանի զինված ուժերի մաս) հայտարարեց Զամի ձերբակալման մասին: Ըստ հրապարակային աղբյուրների՝ Զամը ակտիվորեն լուսաբանել էր ամբողջ Իրանի տարածքում 2017-ի դեկտեմբերին և 2018-ի հունվարին անցկացված բողոքի ցույցերը:

Լրատվական պորտալի ղեկավարը, ինչպես նշում է IRNA գործակալությունը, ձերբակալվել է հակահեղափոխական գործողությունների համար: Հաղորդվում էր, թե նրա գործողություններն ուղղորդվել են ֆրանսիական հետախուզության կողմից, և նա աջակցություն է ստացել ԱՄՆ-ի և Իսրայելի հետախուզական ծառայություններից:

Ըստ «Ասոշիեյթեդ պրես» գործակալության, Զամը վտարանդիի կարգավիճակում ապրում էր Փարիզում, չի նշվում, թե ինչպես և որտեղից են նրան բերման ենթարկել: