Վրաստանն ամենաուշը գարնան սկզբին կորոնավիրուսի պատվաստանյութ ձեռք կբերի

«Վրացական երազանք» կուսակցության պատգամավոր Դավիթ Սերգեենկոյի հայտարարությամբ՝ Վրաստանը կորոնավիրուսի  պատվաստանյութ ձեռք կբերի որքան հնարավոր է արագ, ամենաուշը՝ գարնան սկզբին: Այս մասին գրում է Ալիք Մեդիան։

Նրա խոսքով՝ հարցի հետ կապված, նախօրեին խոսակցություն են ունեցել Առողջապահության համաշխարհային կազմակերպության հետ:

Մինչ այդ, Վրաստանի վարակաբանները հայտարարել էին, որ առաջինը կպատվաստվեն ռիսկային խմբերը, հետո արդեն՝ ողջ բնակչությունը: