Պեսկովն ասել է՝ ինչն օգնեց «Արցախի հարցով խաղաղ համաձայնագրերի կնքմանը»

Ռուսաստանի Դաշնության Նախագահ Վլադիմիր Պուտինի՝ Երևանի և Բաքվի հետ բարեկամական հարաբերությունների պահպանումը նպաստեց Լեռնային Ղարաբաղի շուրջ խաղաղ համաձայնագրի կնքմանը: Այս մասին, Tass-ի հաղորդմամբ, հայտարարել է Ռուսաստանի Դաշնության նախագահի մամուլի քարտուղար Դմիտրի Պեսկովը։

«Բաքվի և Երևանի հետ փոխադարձ հարգանքի վրա հիմնված լավ և կառուցողական հարաբերությունների պահպանումը թույլ տվեց Պուտինին միջնորդ հանդիսանալ այս կարգավորման գործընթացում»,- ասել է Պեսկովը:

Նա նշել է, որ Լեռնային Ղարաբաղում հակամարտությունը կայունացնելու համար Պուտինը «շատ ու շատ օրեր է անցկացրել՝ հեռախոսի ընդունիչը ձեռքին» և անձամբ վերահսկել իրավիճակի զարգացումը: Բացի այդ, Պուտինը բանակցություններ է վարել Թուրքիայի նախագահ Թայիփ Էրդողանի հետ:

«Այս խոսակցությունների մի մասը [Էրդողանի հետ] կարող եք արձանագրել՝ համաձայն նախագահի մամուլի ծառայության, բայց ոչ բոլորը», - հավելել է խոսնակը: