ԱՀԿ-ը հաստատել է Pfizer / BioNTech պատվաստանյութի արտակարգ կիրառումը

Առողջապահության համաշխարհային կազմակերպությունը (ԱՀԿ) իրավունք է տվել Pfizer-ի և BioNTech-ի պատվաստանյութի արտակարգ օգտագործմանը, փոխանցում է «Բի-Բի-Սի»-ն։

Ըստ աղբյուրի, այն համապատասխանում է անվտանգության և արդյունավետության անհրաժեշտ չափանիշներին: Դրա օգտագործման առավելությունները գերազանցում են հավանական վտանգները։

Կառույցը տալիս է արտոնություն համաճարակների դեմ պայքարելու համար անհրաժեշտ դեղամիջոցներին, որոնց թեստերի արդյունքները դեռևս վերջնական չեն: Դրանից հետո աշխարհի երկրները կարող են արագացնել ներքին արտոնման գործընթացը, իսկ ՄԱԿ-ը կարող է սկսել պատվաստանյութերի գնումները աղքատ երկրների համար:

Pfizer / BioNTech պատվաստանյութը օգտագործվում է ԱՄՆ-ում և ԵՄ-ում COVID-19- ի դեմ պայքարի համար: Ռուսաստանում կիրառվում է տեղական Sputnik V պատվաստանյութը: