Իրանն արգելեց կորոնավիրուսի պատվաստանյութերը Մեծ Բրիտանիայից և ԱՄՆ-ից

Իրանի Գերագույն առաջնորդ Ալի Խամենեին արգելել է կորոնավիրուսի պատվաստանյութերը Մեծ Բրիտանիայից և ԱՄՆ-ից: Այս մասին գրում է Gazeta-ն։

«Բրիտանական և ամերիկյան պատվաստանյութերի ներմուծումն արգելված է», - ասել է Խամենեին:

Նշվում է, որ ներկայումս Իրանը փորձում է ստեղծել սեփական COVID-19 պատվաստանյութերը: Ըստ երկրի առողջապահության նախարարության, Թեհրանն ակնկալում է առաջին դեղամիջոցը ստանալ գարնանը, և մինչ ամառ նախատեսվում է մշակել ևս երկու-երեք պատվաստանյութ: Առաջին պատվաստանյութն արդեն ներարկվել է կամավորներին:

Ավելի վաղ հայտնի էր դարձել, որ Իրանը քննարկում է կորոնավիրուսային վարակի դեմ ռուսական պատվաստանյութ ձեռք բերելու հարցը՝ այդ թվում «Sputnik V»-ն: