Ճապոնիայի ևս երեք պրեֆեկտուրայում արտակարգ դրություն կհայտարարվի

Ճապոնիայի արևմտյան մասում գտնվող Կիոտոյի, Օսակայի և Հյոգոյի պրեֆեկտուրաների ղեկավարները կառավարությանը կոչ են արել արտակարգ իրավիճակ մտցնել իրենց տարածքում ՝ նոր կորոնավիրուսի լայնածավալ տարածման պատճառով, փոխանցում է «ՏԱՍՍ»-ը՝ վկայակոչելով Ճապոնիայի տնտեսական վերականգնման նախարար, վարակի տարածման դեմ պայքարի կառավարության շտաբի ղեկավար Յասուտոշի Նիշիմուրայի խոսքը:

«Մենք կիսում ենք երեք նահանգապետերի տեսակետը, որ տարածաշրջանում կորոնավիրուսի հետ կապված իրավիճակն այնքան է լրջացել, որ անհրաժեշտ էր դիտարկել արտակարգ ռեժիմ սահմանելու անհրաժեշտությունը», - ասել է Նիշիմուրան:

Նա նաև նշել է, որ Նախարարների կաբինետը կվերլուծի պրեֆեկտուրաներում վարակի տարածման մասշտաբները, կուսումնասիրի նրանց առողջական համակարգերի վիճակը և փորձագետների հետ խորհրդակցելով ՝ համապատասխան որոշում կկայացնի:

Հունվարի 7-ին Ճապոնիայի վարչապետ Յոսիհիդե Սուգան արտակարգ դրություն մտցրեց Մեծ Տոկիոյի մայրաքաղաքային տարածքում ՝ 37,2 միլիոն բնակչությամբ, որը ներառում է Տոկիոյի, Կանագավայի, Սայտամայի և Չիբայի պրեֆեկտուրաները։