Հայաստանում տեղակայված ռուսական ռազմաբազայում սկսվել են Sputnik-V-ով պատվաստումները

Հայաստանում տեղակայված Հարավային ռազմական շրջանի ռուսական ռազմաբազայում սկսվել են Sputnik-V դեղամիջոցով կորոնավիրուսի վարակի դեմ պատվաստանյութի առաջին բաղադրիչով պատվաստումները: Պատվաստանյութի 1000 դեղաչափի առաջին խմբաքանակը առաքվել է Գյումրում տեղակայված ՌԴ ՊՆ ռազմական կլինիկական հիվանդանոցի մասնաճյուղ: Տեղեկությունը տարածել է ՌԴ ՊՆ Հարավային ռազմական շրջանի մամուլի ծառայությունը:

Պատվաստման ընթացքում առողջական վիճակի բարդացումներ կամ հակազդեցության դեպքեր չեն արձանագրվել:

Պատվաստումն իրականացվում է կամավոր՝ և՛ զինվորական, և՛ քաղաքացիական անձնակազմի գրավոր համաձայնության հիման վրա:

Ընդհանուր առմամբ հարավային ռազմական օկրուգ է առաքվել պատվաստանյութի ավելի քան 23 հազար դեղաչափ:

Մինչ օրս զինվորական և բժշկական անձնակազմի ավելի քան 6000 ներկայացուցիչ ստացել է Sputnik-V պատվաստանյութի երկու բաղադրիչները: Եվս 14 հազար զինվոր և սպա արդեն պատվաստվել են պատվաստանյութի առաջին բաղադրիչով:

Երկու ամսվա ընթացքում նախատեսվում է պատվաստել հարավային ռազմական օկրուգի կազմավորումների, զորամասերի և հիմնարկների անձնակազմերի ավելի քան 60 հազար զինվորական և քաղաքացիական անձանց: