Իրավապաշտպանը՝ անհետ կորած զինվորի հոր դեմ քրգործ հարուցելու մասին. Ուզո՞ւմ եք այս օրինակով լռեցնել բոլորին

Իրավապաշտպան, «Լրագրողներ հանուն մարդու իրավունքների» ՀԿ նախագահ Ժաննա Ալեքսանյանը գրում է.

«Քրեական գործ է հարուցվել անհետ կորած զինծառայողի հոր նկատմամբ: Նրան սպառնում է մինչև 10 տարվա ազատազրկում՞: Ինչ է արել այս մարդը: Արդեն 100 օր է որդու դին է փնտրում: Ցուցակներով նրա որդին մահացած է, բայց չեն գտնում դին և հայրը պարբերաբար այցելում է դիահերձարաններ գտնելու որդուն:

Եվ ահա դիահերձարան հերթական այցելությունից հետո, նա գնացել է Պաշտպանության նախարարություն առանց թույլտվության մուտք է գործել և ճանապարհին ինչ որ բան կոտրել:

Դժվաչ չէ պատկերացնել նրա հոգեվիճակը: Նա որևէ մեկին չի վնասել, չի վիրավորել, բայց որոշել են, որ այս ամենը տեղի է ունեցել ռազմական դրության պայմաններում ու դատում են:

Ավելի անբարո բան դժվար է լսել այս օրերին: Բա ձեզ ով է դատելու, բա ասում էիք պատասխանատվություն ենք կրում:

Պարզ չի, որ մարդն անզորությունից ու հուսահատությունից է դիմել այդ քայլին, ինչու եք ուզում նրան ոչնչացնել մինչև վերջ: Թե ուզում եք այս օրինակով լռեցնել բոլորին»։