Արցախում ռուս խաղաղապահները սկսել են պատվաստվել Sputnik-V պատվաստանյութով

Ռուսաստանի խաղաղապահ զորամիավորման ռազմական բուժաշխատողները սկսել են պատվաստել խաղաղապահներին Արցախում: Նախորդ օրը հատուկ ջերմային տարաներում Sputnik-V պատվաստանյութի շուրջ երկու հազար դոզան առաքվել էր հատուկ նշանակության բժշկական ստորաբաժանում՝ հետագա օգտագործման համար:

Պատվաստումն իրականացվում է երկու փուլով: Հունվարի 14-ից 31-ն ընկած ժամանակահատվածում պատվաստանյութի առաջին չափաբաժինը կտրամադրվի ամբողջ անձնակազմին, իսկ փետրվարի 1-ից 21-ը` երկրորդ չափաբաժինը:

ՌԴ ՊՆ հաղորդմամբ, առաջինը պատվաստանյութը ստացել են Ռուսաստանի խաղաղապահ զորախմբի հրամանատարության ներկայացուցիչները, ինչպես նաև բժշկական ստորաբաժանումների ռազմական անձնակազմը:

Պատվաստումներից հետո յուրաքանչյուր խաղաղապահի 30 րոպե վերահսկվում են՝ համոզվելու համար, որ ալերգիկ ռեակցիա չկա: