Ադրբեջանում կարանտինի ռեժիմը երկարացվել է մինչև ապրիլի 1-ը

Ադրբեջանում կորոնավիրուսի հետ կապված կարանտինի ռեժիմը երկարացվել է մինչև ապրիլի 1-ը, բայց սրճարաններն ու ռեստորանները թույլատրվում է գործել փետրվարի 1-ից, որը բխում է Նախարարների կաբինետի համապատասխան հրամանագրից: Տեղեկությունը հրապարակում է «ՌԻԱ նովոստի»-ն:

«Վիրուսի տարածումը և դրա հետևանքները կանխելու համար որոշվեց երկրում կարանտինի հատուկ ռեժիմի ժամկետը երկարացնել մինչև 2021 թվականի ապրիլի 1-ը ժամը 06: 00-ն»,- ասվում է կառույցի հաղորդագրության մեջ: