Իրանի էներգետիկայի նախարարն առաջարկել է ստեղծել Արաքսի տարածաշրջանի երկրների աշխատանքային խումբ

Թեհրանում Իրան-Ադրբեջան տնտեսական համագործակցությունների համատեղ հանձնաժողովի նիստին առնթեր Ադրբեջանի փոխավարչապետ Շահին Մուստաֆաևի հետ հանդիպման ժամանակ, անդրադառնալով Արաքս գետի տարածաշրջանի երկրների 50-ամյա անցյալին, Իրանի էներգետիկայի նախարար Ռեզա Արդաքանյանն առաջարկել է Արաքսի տարածաշրջանի երկրների, ներառյալ՝ Իրանի, Ադրբեջանի, Հայաստանի ու Թուրքիայի համագործակցությամբ, ձևավորել աշխատանքային խումբ: Այս մասին գրում է Pars Today-ը։

Նշվում է, որ Ադրբեջանի փոխավարչապետը ողջունել է Արաքսի տարածաշրջանի երկրների համատեղ աշխատանքային խմբի ձևավորման մասին Իրանի էներգետիկայի նախարարի առաջարկը: