Ամենից շատ կարդացված նյութեր
.jpg "Վաղը Ղարաբաղի հարցով աշխատանքային խումբը կքննարկի տրանսպորտային ենթակառուցվածքների վերականգնումը․ ՌԴ փոխվարչապետ")
Վաղը Ղարաբաղի հարցով աշխատանքային խումբը կքննարկի տրանսպորտային ենթակառուցվածքների վերականգնումը․ ՌԴ փոխվարչապետ
Լեռնային Ղարաբաղի հարցով եռակողմ աշխատանքային խումբը հունվարի 30-ին կքննարկի տարածաշրջանում տրանսպորտային ենթակառուցվածքների վերականգնման խնդիրները: Այս մասին ՏԱՍՍ-ին ասել է ՌԴ փոխվարչապետ Ալեքսեյ Օվերչուկը:
«Թեմաները որոշված են Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի հայտարարության մեջ: Առաջին հերթին մենք կքննարկենք տրանսպորտային ենթակառուցվածքների զարգացման և վերականգնման խնդիրները», - ասել է նա:
Օվերչուկը դժվարացել է պատասխանել, թե որքան հաճախ տեղի կունենան փոխվարչապետերի մակարդակով հանդիպումները, արդյոք դրանք միշտ անցկացվելու են Մոսկվայում:
«Առայժմ ոչինչ չի կարելի ասել, մենք առաջին անգամ ենք հանդիպում։ Ինչպես կանցնի, այնպես կանցնի», - ավելացրել է Ռուսաստանի Դաշնության փոխվարչապետը:
Ինչպես ավելի վաղ հայտնել էին Օվերչուկի մամուլի ծառայությունում, հունվարի 30-ին Մոսկվայում տեղի կունենա Լեռնային Ղարաբաղի տնտեսական և տրանսպորտային կապերի ապաշրջափակման վերաբերյալ եռակողմ աշխատանքային խմբի հանդիպումը:
Studio One