Դատարանը վեցերորդ անգամ չի կարողացել Խաչատուրյան քույրերի գործով երդվյալներ ընտրել

Մոսկվայի քաղաքային դատարանն այսօր կրկին չի կարողացել երդվյալների կոլեգիա ընտրել քննելու իրենց հոր սպանության մեջ մեղադրվող Խաչատուրյան ավագ քույրերի գործը: ՏԱՍՍ-ին հայտնել է աղջիկներից մեկի փաստաբան Ալեքսեյ Պարշինը:

Նա տեղեկացրել է, որ դատական նիստը հետաձգվել է և նշանակել փետրվարի 1-ին, որպեսզի հրապարակվի պաշտպանական կողմի և տուժողների միջնորդությունների մասին որոշումը` քրեական գործը դատախազին վերադարձնելու մասին:

Ըստ փաստաբանի, պաշտպանական կողմի միջնորդությունը վերաբերում է մեղադրական եզրակացությունում հակասությանը, «երբ դրդապատճառը և մեղմացուցիչ հանգամանքները համընկել են»:

«Դրդապատճառը Միխայիլ Խաչատուրյանի հանցավոր գործողություններն են, որոնք սպառնում էին աղջիկների կյանքին, և դրանք մեղմացնող հանգամանքներ են», - բացատրել է նա:

Աղջիկների մեկ այլ փաստաբան Ալեքսեյ Լիպցերի խոսքով, տուժողները դատարանից խնդրում են գործը վերադարձնել դատախազին՝ պարզելու մեղադրանքները «կապված Միխայիլի դեմ (քրեական գործ հարուցելու մասին) որոշումը անօրինական ճանաչելու հետ»:

Սա երդվյալներ ընտրելու վերցերորդ փորձն էր։ Նախկինում ընտրությունը տեղի չէր ունեցել կորոնավիրուսով վարակվելու պատճառով տուժած կողմի չներկայանալու, ինչպես նաև երդվյալների անբավարար քանակի պատճառով:

Մոսկվայում 2018 թ. հուլիսի 27-ին Քրիստինան, Անգելինան և Մարիան սպանել են իրենց հոր՝  57-ամյա Միխայիլ Խաչատուրյանին՝  դանակով հարվածելով պարանոցին և կրծքավանդակին։ Աղջիկները խոստովանել են իրենց կատարած հանցանքը և բացատրել,  որ նա երկար ժամանակ իրենց բարոյական տառապանքներ է պատճառել։ 2018 թ. սեպտեմբերի 27-ին դատարանը փոխել էր Խաչատուրյան երեք քույրերի խափանման միջոց կալանքը և ընտրել  որոշակի գործողություններ կատարելու արգելքի տեսքով խափանման միջոց։ Ավելի ուշ քույրերն ազատվել էին նաև էլեկտրոնայիան շղթայից: