Մոսկվայի դատարանը Խաչատուրյան քույրերի գործը վերադարձրել է դատախազին

Մոսկվայի քաղաքային դատարանն այսօր իրենց հորը սպանության մեջ մեղադրվող Խաչատուրյան ավագ քույրերի գործը գլխավոր դատախազություն վերադարձնելու որոշում է կայացրել: ՏԱՍՍ-ին հայտնել է քույրերից մեկի պաշտպան Ալեքսեյ Լեպցերը:

Տուժողները և քույրերի պաշտպանությունը միջնորդություն էին ներկայացրել գործը վերադարձնել դատախազություն՝ մեղադրական եզրակացության մեջ առկա հակասության և մեղադրանքները հստակեցնելու համար:

«Մոսկվայի քաղաքային դատարանը որոշում է կայացրել քրեական գործը վերադարձնել դատախազություն՝ Միխայիլ Խաչատուրյանի գործողությունների վերաբերյալ վերջնական որոշում կայացնելու անհրաժեշտության համար», - ասել է Լիպցերը:

Փաստաբաններից Ալեքսշեյ Պարշինը հայտնել է, Մոսկվայի քաղաքային դատարանը մեղադրյալների դեպքում նախորդ խափանման միջոցը չի փոխել, այսինքն որոշակի գործողությունների արգելք:

Մոսկվայում 2018 թ. հուլիսի 27-ին Քրիստինան, Անգելինան և Մարիան սպանել են իրենց հոր՝  57-ամյա Միխայիլ Խաչատուրյանին՝  դանակով հարվածելով պարանոցին և կրծքավանդակին։ Աղջիկները խոստովանել են իրենց կատարած հանցանքը և բացատրել,  որ նա երկար ժամանակ իրենց բարոյական տառապանքներ է պատճառել։ 2018 թ. սեպտեմբերի 27-ին դատարանը փոխել էր Խաչատուրյան երեք քույրերի խափանման միջոց կալանքը և ընտրել  որոշակի գործողություններ կատարելու արգելքի տեսքով խափանման միջոց։ Ավելի ուշ քույրերն ազատվել էին նաև էլեկտրոնայիան շղթայից: