«ԵԼ» ֆիլմը կցուցադրվի Utah Dance Film միջազգային փառատոնի շրջանակներում

«ԵԼ» ֆիլմը հարյուրավոր պարային ֆիլմերի հայտերից անցել է լավագույն 40-ի մեջ և մայիսի 28 ,29 կցուցադրվի ԱՄՆ-ում Utah Dance Film միջազգային փառատոնի շրջանակներում։ Այս մասին հայտնում է ֆիլմի ռեժիսոր Ռիմա Պիպոյանը։

Նախագծի ղեկավար Լիլիթ Գաբրիելյանն ավելի վաղ ասել էր, որ այս նախագիծը կյանքի է կոչվել՝ նպատակ ունենալով միահամուռ ուժերով աշխարհին ներկայացնելու հայ արվեստը և ևս մեկ անգամ մշակույթի միջոցով արտահայտելու մեր հոգու ողջ ուժն ու տոկունությունը։