Ամենից շատ կարդացված նյութեր
.jpg "Գարեգին Նժդեհը բացառվում է որպես ֆաշիստ ընկալվի. Աննա Մայիլյան")
«Գարեգին Նժդեհը բացառվում է որպես ֆաշիստ ընկալվի, ես որպես հայ մարդ արգելում եմ Գարեգին Նժդեհի մասին խոսել ինչ-որ մի ֆաշիստական ակնարկով»,- «Հայելի» ակումբում կայացած ասուլիսում նշեց Երևանի պետական կոնսերվատորիայի պրոֆեսոր, վաստակավոր արտիստուհի Աննա Մայիլյանն՝ անդրադառնալով ԿԳՄՍ փոխնախարար Ժաննա Անդրեասյանի գրառմանը, որով նա Նժդեհին վերագրել էր ֆաշիստական գաղափարախոսություն:
Երգչուհին Հայաստանի Հանրապետության պաշտոնյաների կողմից Հայաստանի արժեքների հանդեպ նման վերաբերմունքը համարեց հերթական դավադրությունը և շեշտեց, որ Գարեգին Նժդեհի գրած գիրքը հայ ժողովուրդը պետք է ունենա որպես իր սեղանի երկրորդ Աստվածաշունչ:
Նա հայտնեց, որ այսօր նույնիսկ նժդեհի արձանն է վախեցնում թշնամուն և նրանք պահանջում են հանել այն:
«Եթե ուզում ես երկիրը քանդել, ապա պետք է ստել և երկրի ղեկավար աթոռներին նստեցնել դիլետանտներին և ամեն ինչ ինքն իրեն գնալու է»,- անդրադառնալով 2018 թ հեղափոխությանը՝ ասաց թավջութակահար, դիրիժոր Արամ Թալալյանը:
Ըստ նրա՝ ամեն ինչը փոխվել է կեղծ կատեգորիաներով, մասնավորապես՝ ազգային պայքարը փոխարինվել է հեղափոխությամբ:
Արամ Թալալյանը շեշտեց, որ ոչ մի ազգի հեղափոխությունը երջանկություն չի բերել:
Նրա խոսքով՝ Հայաստանի հեղափոխության մեջ մեծ գումար է դրվել և այդ գումարները վերցրածներն իրենց գործը մինչև վերջ տանելու են և անհրաժեշտ է նրանց բացահայտել:
Studio One