Ամբողջ աշխարհում կորոնավիրուսից մահվան դեպքերը 10 տոկոսով նվազել են․ ԱՀԿ

Փետրվարի 8-15-ին, նախորդ մեկ շաբաթվա համեմատ, աշխարհում կորոնավիրուսից վարակվածների թիվը նվազել է 16 տոկոսով, իսկ մահացությունների թիվը՝ 10 տոկոսով: ՏԱՍՍ-ի հաղորդմամբ, տվյալները հրապարակել է Առողջապահության համաշխարհային կազմակերպությունը:

Անցյալ շաբաթ գրանցվել է վարակման 2,7 միլիոն նոր դեպք, ինչը նախորդ շաբաթվա համեմատ 16 տոկոսով քիչ է, և 81 հազար 340 մահվան դեպք, ինչը 10 տոկոսով է քիչ նախորդ շաբաթվա տվյալներից:  Փետրվարի 15-ի տվյալներով, աշխարհում գրանցված է եղել 108 246 992 վարակման դեպք, 2 386 717՝ մահվան:

Հիվանդացության անկումը հատկապես նկատելի է Աֆրիկայում, Արևմտյան Խաղաղ օվկիանոսի տարածաշրջանում, Եվրոպայում, Հյուսիսային և Հարավային Ամերիկաներում: Մահացության դեպքերն այդ տարածաշրջաններում նույնպես նվազել են: