Ադրբեջանի գրաված տարածքներում ականների վրա 15-ից ավել ադրբեջանցի զինվոր ու քաղաքացիական անձ է պայթել

Արցախում՝ Ադրբեջանի վերահսկողության տակ անցած Թալիշ գյուղում, հակատանկային ականի վրա ևս  1 ադրբեջանցի է պայթել: Այս մասին  հայտնել է Ադրբեջանի գլխավոր դատախազությունը:

Էրմենիհաբերը գրում է, որ Արցախում կրակի դադարեցման մասին 2020 թվականի նոյեմբերի 10-ին ստորագրված եռակողմ համաձայնագրից մինչև այսօր Ադրբեջանի վերահսկողության տակ անցած տարածքներում ականների վրա 15-ից ավել ադրբեջանցի զիվոր ու քաղաքացիական անձ է պայթել:

Ադրբեջանի գլխավոր դատախազությունը այդ միջադեպերի կապակցությամբ քաղաքացիներին զգուշացրել է խուսափել իրենց վերահսկողության տակ անցած տարածքներ այցելելուց, քանի դեռ ամբողջությամբ ականազերծում չի եղել: