Ամենից շատ կարդացված նյութեր
.jpg "Դա այն պատգամավորն է, որ մանրադիտակն աստղադիտակից չի տարբերում. Արեգ Միքայելյան")
Դա այն պատգամավորն է, որ մանրադիտակն աստղադիտակից չի տարբերում. Արեգ Միքայելյան
«Մեր ակտիվությունը պահելու ենք, ինչ էլ ուզում է տեղի ունենալ, նույնիսկ մեր դեմ ուղղված հարձակումներին, հետապնդումներին»,- ասուլիսում ասաց ԳԱԱ Վ.Համբարձումյանի անվան Բյուրականի աստղադիտարանի տնօրեն Արեգ Միքայելյանը:
Նա նշեց, որ նման հետապնդումներն իրենց չեն կարող ամբողջությամբ խանգարել, կոտրել, բոլոր պայմաններում իրենք պատաստ են իրենց գործն անել:
Նա մասնավորապես նկատի ուներ ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանի, պատգամավոր Հովհաննես Հովհաննիսյանի հայտարարությունները Բյուրականի աստղադիտարանի վերաբերյալ:
«Վարկաբեկելու խայտառակ մեթոդ է: Քրեական գործն արդեն կարճվել էր, ոչ մի չարաշահման փաստ չկար, բայց հետո էլի շարունակում էին բարձրաձայնել: Ու դա այն պատգամավորն է, որ մանրադիտակն աստղադիտակից չի տարբերում, ասում է՝ մանրադիտակները թող աշխատացնեն, աստղագետներով գնան հետազոտություններ կատարեն»,- ասաց Ա. Միքայելյանը:
Նրա խոսքով, դեռևս 2018 թվականից ականատես են լինում ԿԳՄՍ նախարարության գործունեությանը, հետապնդումներ էին սկսել տարբեր կազմակերպությունների դեմ, հայտարարում էին, որ դպրոցների տնօրենների կեսը պետք է նստեն:
«Առանց հիմքերի նման հայտարարություններ էին անում: Բայց առանց այդ հիմքերի ինչպե՞ս կարելի էր արշավ սկսել: Նման բան երևի 1937 թվականին էր մեկ էլ եղել: Նման հետապնդումներ էին բոլոր ոլորտներում, ոչ միայն գիտության»,- ասաց Ա. Միքայելյանը:
Studio One