Անհետ կորածների,ռազմագերիների և քաղաքացիական անձանց վերադարձի հետ կապված հարցերը քննարկել են Սարգսյանն ու Մուրադովը

ՀՀ նախագահ Արմեն Սարգսյանը և Լեռնային Ղարաբաղում Ռուսաստանի խաղաղապահ զորախմբի հրամանատար, գեներալ-լեյտենանտ Ռուստամ Մուրադովը չորեքշաբթի Երևանում կայացած հանդիպման ժամանակ քննարկել են հայ գերիներին վերադարձնելու հարցը: Այս մասին հայտնում են նախագահի աշխատակազմի մամուլի ծառայությունից, գրում է ՏԱՍՍ-ը։

«Զրուցակիցները քննարկել են անհետ կորածների որոնման,Ադրբեջանի կողմից պահվող հայ ռազմագերիների և քաղաքացիական անձանց վերադարձի հետ կապված հարցեր»,-ասվում է հաղորդագրությունում։