Վրաստանում 31 մարդու մոտ հաստատվել է COVID-19-ի «Բրիտանական» շտամը

Վրաստանում 31 վարակակրի մոտ հաստատել է COVID-19-ի այսպես կոչված «Բրիտանական» շտամը: «Ինտերֆաքս»-ի փոխանցմամբ, այդ մասին ուրբաթ օրն ասել է երկրի Հիվանդությունների վերահսկման ազգային կենտրոնի գլխավոր տնօրենի տեղակալ Պաատա Իմնաձեն:

«Բարեբախտաբար, այն մեր երկրում դեռ տարածված չէ: Ընդհանուր առմամբ 31 դեպք է հաստատվել»,-վրացական «Ռուսթավի -2» հեռուստաալիքի եթերում ասել է Իմնաձեն՝ շետելով, որ խոսքը վերաբերում է վարակվածների երեք խմբերի մասին:

Նրա խոսքով ՝ բոլոր դեպքերում հիվանդությունը եղել է թեթև, և նրանք բուժվել են տանը:

Վրաստանում, ըստ երկրի Առողջապահության նախարարության, համաճարակի բռնկումից ի վեր հաստատվել է COVID-19 վարակի 272.262 դեպք, մահացել է 3,563 մարդ:

Նախորդ օրվա ընթացքում գրանցվել է վարակի 390 նոր դեպք, մահացել է 10 մարդ: