Ամենից շատ կարդացված նյութեր

14:05 09/03/2021

Մենենդեսը Սենատում ստորագրահավաք է սկսել՝ Բայդենին կոչ անելով ճանաչել Հայոց ցեղասպանությունը

ԱՄՆ Սենատի Արտաքին հարաբերությունների հանձնաժողովի նախագահ Բոբ Մենենդեսը Սենատում երկկուսակցական նամակի ներքո ստորագրահավաք է սկսել, որով կոչ է արվում նախագահ Բայդենին՝ ճանաչել Հայոց ցեղասպանությունը։

«Ամերիկահայերը և մեր երկրի բոլոր դաշնակիցները միանում են սենատոր Մենենդեսին` կոչ անելով մեր սենատորներին՝ ավելացնել իրենց անունները այս երկկուսակցական խնդրանքին, որպեսզի նախագահ Բայդենը գործի` հետևելով Կոնգրեսի՝ Հայոց ցեղասպանության ճանաչման օրինակին։ Այս մասին հայտնում է ԱՄՆ Հայ դատի հանձնախումբը։

Նամակում սենատորները «խստորեն հորդորում են Բայդենին՝ պաշտոնապես ճանաչել Հայոց ցեղասպանության ճշմարտությունը, նշելով, որ նախկինում Բայդենը ճանաչել է Հայոց ցեղասպանությունը, հիշեցնելով Հայոց ցեղասպանության զոհերի հիշատակի օրվա նրա հայտարարությունը՝ 2020 քարոզարշավի ընթացքում:

«Մենք ձեզ կոչ ենք անում դա անել կրկին՝ որպես նախագահ, հստակ դարձնելու համար, որ ԱՄՆ կառավարությունը ճանաչում է այս սարսափելի ճշմարտությունը»,-ասվում է նամակում:

Placeholder