Անդրեասյան եղբայրները պարտքերի պատճառով վերջին ֆիլմի իրավունքները տվել են «Mars Media Entertainment»-ին

Ռուսաստանցի պրոդյուսերներ, եղբայրներ Սարիկ և Ղևոնդ Անդրեասյանները իրենց վերջին «Կոմա» ֆիլմի իրավունքները պարտքերի պատճառով տվել են «Mars Media Entertainment» ընկերությանը: Լենտա.ռու-ի հաղորդմամբ, այս մասին հայտնում է Mash Թելեգրամ ալիքը:

«Կոմա» ֆիլմը, որը նկարահանել էր Անդրեասյանի «Մեծ կինո» ստուդիան, ձախողվել է վարձույթում։ Ֆիլմը հավաքել է 2,5 միլիոն դոլար, ինչը երկու անգամ քիչ է ծրագրի ֆինանսավորման գումարից։  Կինոյի ֆոնդը պահանջել է վերադարձնել ֆիլմի ստեղծման համար ներդրված միջոցները՝ 65 միլիոն ռուբլի:

Հայտնի է, որ ժապավենի արտադրության համար Անդրեասյանները 50 միլիոն ռուբլի պարտք էին վերցրել Mars Media Entertainment- ից:  Պրոդյուսերները ստիպված էին ընկերությանը տալ «Կոմա» ֆիլմի իրավունքները, որպեսզի վերադարձնեն ֆիլմի ստեղծման վրա ծախսված բյուջետային միջոցները: