ԱԷԿ-ի տնօրեն. Ռիսկեր կան, որ հայկական ԱԷԿ-ի շահագործման ժամկետը չի երկարաձգվի

«Ռիսկեր կան, որ հայկական ԱԷԿ-ի շահագործման ժամկետը չի երկարաձգվի»,-լրագրողների հետ զրույցում ասել է Հայկական ԱԷԿ-ի գլխավոր տնօրեն Մովսես Վարդանյանը:

Միաժամանակ նա հավաստիացրել է, որ, հաշվի առնելով ռուսական ընկերությունների փորձը, այդ ռիսկերը կկրճատվեն:

news.am-ի հաղորդմամբ, Վարդանյանը հիշեցրել է, որ երկրորդ էներգաբլոկի շահագործման ժամկետը մինչև 2026 թվականը երկարաձգելու շուրջ քննարկումները շարունակվում են 2015-2016 թվականներից:

«Հաշվի առնելով այլ երկրների փորձը նույնատիպ էներգաբլոկերի օրինակով՝ անվտանգության հիմնավորման առկայության դեպքում մենք պատրաստվում ենք ատոմակայանի շահագործման ժամկետը երկարաձգել եւս 5-10 տարով»,- ասել է նա:

2021 թվականին վերանորոգման աշխատանքները, կայանի գլխավոր տնօրենի կարծիքով, կարելի է ամենադժվար փուլը համարել աշխատանքների կազմակերպման առումով. աշխատանքներ կտարվեն կայանի անվտանգության բարելավման, երկրորդի էներգաբլոկի ռեակտորի կորպուսի մետաղի շիկամշակման ուղղությամբ եւ այլն:

«Դրանից հետո մենք հույս ունենք 10 տարվա արտոնագիր ստանալ պետական ​​կարգավորող մարմնից»,- ասել է Մովսես Վարդանյանը: