Թբիլիսիի քաղաքապետ Կախա Կալաձեն հոսպիտալացվել է

Թբիլիսիի քաղաքապետ Կախա Քալաձեն հոսպիտալացվել է` հաստատված verterbo-basilar սինդրոմի պատճառով, որի ժամանակ խախտվում է ուղեղի արյան շրջանառությունը: Ինչպես հայտնում է «Գազետա ռու»-ն, այդ մասին նա գրել է իր Facebook-ում:

Քաղաքապետն ասել է, որ բժիշկները նույնպես հաստատել են, որ նա վեստիբուլոպաթիա ունի:

Կալաձեի խոսքով՝ առողջական այս խնդիրների պատճառով նա բուժզննում է անցնում Թբիլիսիի կլինիկաներից մեկում:

Բացի այդ, պաշտոնյան նշել է, որ ինքը շարունակում է հեռավար աշխատանքը, չնայած բժշկական հաստատությունում է գտնվում, որտեղ նա հետազոտվում է գլխուղեղի կամ ողնաշարային զարկերակներում արյան հոսքի թուլացման հետևանքով առաջացած ուղեղի դիսֆունկցիայի պատճառով: