Բայդենը Պուտինին հրավիրել է կլիմայի գագաթնաժողովին

ՌԴ նախագահ Վլադիմիր Պուտինը հրավեր է ստացել ԱՄՆ նախագահ Ջո Բայդենից՝ մասնակցելու կլիմայի վիրտուալ գագաթնաժողովին, փոխանցում է «ՌԻԱ Նովոստի»-ն՝ հղում տալով իր աղբյուրներին։

«Հրավերը ստացվել է, ուսումնասիրությունն ընթացքի մեջ է»,- ասել է գործակալության զրուցակիցը:

Նախկինում Սպիտակ տունը հաստատել էր, որ Բայդենը Պուտինին հրավիրել է աշխարհի 40 առաջնորդների հետ մասնակցել ապրիլի 22-23-ին կայանալիք կլիմայի բանակցություններին, որոնք կանցկացվեն առցանց տարբերակով: