Ընտրվել է 2026-ին Իտալիայում անցկացվող ձմեռային օլիմպիական խաղերի պաշտոնական խորհրդանշանը

Երեքշաբթի օրը ընտրվել է 2026 թվականի ձմեռային օլիմպիական խաղերի պաշտոնական խորհրդանշանը։ Օլիմպիական խաղերը տեղի կունենան Իտալիայի Միլան քաղաքում և Կորտինա դ'Ամպեցո քաղաքում:

Այս մասին հայտնել է Միջազգային օլիմպիական կոմիտեի (ՄՕԿ) մամուլի ծառայությունը, փոխանցում է «ՏԱՍՍ»-ը։

Futura տարբերանշանը ձայների 74%-ով հաղթել է Dado տարբերակին:

Կազմկոմիտեի կայքում քվեարկությանը մասնակցել է 871 հազար մարդ: Խորհրդանշանները ներկայացվել էին մարտի 6-ին՝ Սան Ռեմոյի երաժշտական փառատոնում:

Նշվում է, որ սա առաջին անգամն է, որ օլիմպիական խաղերի տարբերանշանը ընտրվել է համաժողովրդական քվեարկությամբ:

Այսպիսով, ընտրվել է այն խորհրդանշանը, որի վրա մոխրագույնով գրված է՝ Օլիմպիական խաղեր, 26։

Օլիմպիական խաղերը տեղի կունենան Իտալիայում, 2026 թվականի փետրվարի 6-26-ը: