Պուտինը Ալիևի հետ քննարկել է իրավիճակը Լեռնային Ղարաբաղի շուրջ

Ռուսաստանի նախագահ Վլադիմիր Պուտինը և Ադրբեջանի նախագահ Իլհամ Ալիևը հեռախոսազրույցի ընթացքում քննարկել են Լեռնային Ղարաբաղում իրավիճակը՝ «գոհունակությամբ նշելով», որ իրավիճակը հիմնականում կայուն է և հրադադարի ռեժիմը խստորեն պահպանվում է։ Այս մասին հայտնում է Կրեմլի մամուլի ծառայությունը:

Ասվում է, որ հաշվի առնելով Բաքվում Ռուսաստանի Դաշնության փոխվարչապետ Ալեքսեյ Օվերչուկի ընթացող բանակցությունները դիտարկվել է Հարավային Կովկասում տնտեսական կապերի հաստատման և տրանսպորտային հաղորդակցության ուղղությամբ աշխատանքները, որոնք իրականացվում են Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ին և 2021 թվականի հունվարի 11-ին արված հայտարարություններին համապատասխան:

Այս համատեքստում դրական գնահատական է տրվել երեք երկրների փոխվարչապետերի համանախագահությամբ աշխատանքային խմբի գործունեության վերաբերյալ:

Անդրադարձ է կատարվել երկկողմ օրակարգի մի շարք արդիական հարցերի, այդ թվում` համագործակցությունը կորոնավիրուսային վարակի տարածման դեմ պայքարում:

«Վերահաստատվել է ռուս-ադրբեջանական ռազմավարական գործընկերության ամրապնդմանը և փոխշահավետ նախագծերը խթանելու փոխադարձ տրամադրվածությունը»,-ասվում է հաղորդագրությունում: