Սուրմալուում քննչական խումբ է աշխատում

«Սուրմալու» տոնավաճառում բռնկված հրդեհի վայրում այս պահին աշխատում է քննչական խումբը։ Այս մասին Panorama.am-ին հայտնեցին քննչական կոմիտեից։

«Իրականացվում են անհրաժեշտ քննչական գործողություններ, այդ թվում՝ դեպքի վայրի զննություն: Ավելի ուշ կտրվի լրացուցիչ տեղեկատվություն»,-նշեցին կոմիտեից։

Հիշեցնենք, որ անցած գիշեր հրդեհ էր բռնկվել «Սուրմալու» առևտրի կենտրոնի կենտրոնական մասնաշենքում՝ մոտ 2000 քմ մակերեսով, այն մարվել է առավոտյան ժամը  08։39-ին։ Այրվել են խաղալիքների և տնտեսական ապրանքների տաղավարներ՝ գույքով: