Ռուս խաղաղապահներն ապահովել են Շուշիի մոտակայքում գազատարի վնասված հատվածի վերականգնման անվտանգությունը

Ռուս խաղաղապահները Շուշի քաղաքի մերձակայքում սահմանազատման գծի մոտ գազատարի վնասված հատվածի վերականգնման ժամանակ ապահովել են աշխատանքների անվտանգությունը:

ՌԴ ՊՆ տարածած հաղորդագրության համաձայն՝ մարդասիրական ականազերծման ստորաբաժանման սակրավորները ուսումնասիրել են խողովակի վնասված հատված տանող ճանապարհի վրա պայթուցիկների առկայությունը: Հումանիտար արձագանքման կենտրոնի զինծառայողները վերանորոգման ծառայության ներկայացուցիչներին ուղեկցեցել են վթարի վայր և ապահովել վերականգնման աշխատանքների անվտանգ անցկացումը:

Բացի այդ, Մարդասիրական արձագանքման կենտրոնի զինծառայողները կազմակերպել են Ռուսաստանի հասարակական կազմակերպությունների և բարեգործական հիմնադրամների կողմից Արցախ տեղափոխված մարդասիրական օգնության առաքումը Ասկերանի շրջանի Խանացախ գյուղ: Մարդասիրական ակցիայի ընթացքում ռուս խաղաղապահները բազմանդամ ընտանիքներին, ներքին տեղահանվածներին և գաղթականներին հանձնել են ծալովի մահճակալներ, ծածկոցներ, բարձեր, կերակուր պատրաստելու գազայրիչներ, սնունդ և առաջին անհրաժեշտության իրեր:

Ընտանիքներին օգնություն բաշխելուց բացի, ախտորոշման և հիվանդների ընդունելության և բուժման կազմակերպման համար առաջնային ախտորոշիչ հավաքածուներ՝արյան ճնշման մոնիտորներ, սրտի կուրսի մոնիտորներ, արյան գլյուկոզայի չափիչներ, ջերմաչափեր և բժշկական սարքավորումների այլ սարքեր են փոխանցվել բուժկետերում և հիվանդանոց: