Իրանի միջուկային գործակալության ներկայացուցիչը վիրավորվել է Նաթանզի միջուկային կայանում

Իրանի ատոմային էներգիայի կազմակերպության (AEOI) պաշտոնական ներկայացուցիչ Բեհրուզ Քամալվանդին վիրավորվել է Նաթանզի «Շահիդ Ահմադի Ռոշան» միջուկային կայան այցի ժամանակ: «Գազետա ռու»-ն հայտնում է, որ նման տեղեկություն է տարածել IRIB-ը:

Ըստ հաղորդագրության՝ պաշտոնյան ժամանել է Նաթանզ՝ դիտարկելու օբյեկտի էլեկտրաէներգիայի բաշխման ցանցում տեղի ունեցած վթարի վայրը:

Գործակալության տվյալներով՝ Քամալվանդին ընկել է 7 մետր բարձրությունից և ստացել վնասվածքներ: Նշվում է, որ նրա վիճակը գնահատվում է լավ:

Դեպքի մասին այլ մանրամասներ չեն հաղորդվում:

Ապրիլի 11-ին Իրանի Նաթանզ քաղաքի միջուկային օբյեկտի էլեկտրաբաշխման ցանցում տեղի էր ունեցել վթար: Դեպքի արդյունքում ոչ ոք չէր տուժել և չէր արձանագրվել շրջակա միջավայրի աղտոտում: