Պալմիրայում սկսվում են Հաղթական կամարը վերականգնելու նախապատրաստական ​​աշխատանքները

Սիրիական Պալմիրայում կվերականգնվի զինյալների կողմից ոչնչացված Հաղթական կամարը: Հաղթական կամարի վերականգնման աշխատանքները կսկսվեն 2022 թվականին: kulturomania.ru-ի հաղորդմամբ,  հայտարարել է Պալմիրայի վերականգնման հիմնադրամի գործադիր տնօրեն Սերգեյ Տիտլինովը:

Նոյեմբերին Սիրիայի հնությունների և թանգարանների վարչությունը և ռուսական «Քարի կենտրոնը» հուշագիր են ստորագրել Պալմիրայում Հաղթական կամարի վերականգնման վերաբերյալ: Հուշագրում նկարագրվում է վերականգնման ծրագիրը: Այն իր մեջ ներառում է երեք փուլ. ներկայիս իրավիճակի փաստաթղթավորում գիտական մեթոդաբանությանը համապատասխան, բեկորների ուսումնասիրություն՝ վնասի վիրտուալ գծագրեր ստանալու համար, վերականգնում:

Աշխատանքի առաջին փուլը սկսվել է 2021 թվականի ապրիլին: Ըստ Տիտլինովի, վերականգնման աշխատանքները կսկսվեն հնագիտական ու վերականգնողական հետազոտություններ կատարելուց հետո: