Անգելա Մերկելը ելույթ կունենա ԵԽԽՎ գարնանային նստաշրջանում

Եվրոպայի խորհրդի Նախարարների կոմիտեում նախագահության շրջանակներում Գերմանիայի կանցլեր Անգելա Մերկելը և Եվրոպայի պետնախարար Մայքլ Ռոթը կմասնակցեն ԵԽԽՎ գարնանային նստաշրջանին (2021 ապրիլի 19-22), որը տեղի կունենա հիբրիդային ձևաչափով՝ անդամներին հնարավորություն տալով հեռակա կամ անձամբ մասնակցել նիստերին Ստրասբուրգում:

ԵԽԽՎ-ում ելույթ կունենան նաև Մոլդովայի նախագահ Մայա Սանդուն, Եվրախորհրդարանի նախագահ Դավիթ Սասոլին և կազմակերպության գլխավոր քարտուղար Մարիա Պեյչինովիչ Բուրիչը:

Այս նստաշրջանում Մարդու իրավունքների հանձնակատար Դունյա Միյատովիչը կներկայացնի իր տարեկան՝ 2020թ․-ի զեկույցը և վեհաժողովը կհանձնի Վացլավ Հավելի անվան Մարդու իրավունքների մրցանակը:

Վեհաժողովին առաջարկվել է անցկացնել «Ալեքսեյ Նավալնիի ձերբակալումը և կալանավորումը 2021-ի հունվարին» և «Թուրքիայում ժողովրդավարական ինստիտուտների գործունեությունը» թեմայով հրատապ բանավեճեր:

Օրակարգի թեմաներն են՝ քննարկում Եվրոպայի խորհրդի ռազմավարական գերակայությունների վերաբերյալ Վեհաժողովի տեսլականի վերաբերյալ և համատեղ քննարկում Բելառուսում մարդու իրավունքների խախտումների և ընտրական բարեփոխումների անհրաժեշտության վերաբերյալ:

Վեհաժողովն իր վերջնական օրակարգը կորոշի նստաշրջանի բացման օրը: