Պուտինը երկրորդ դեղաչափն է պատվաստվել Covid-19-ի դեմ

ՌԴ նախագահ Վլադիմիր Պուտինն ասել է, որ պատվաստվել է կորոնավիրուսի դեմ երկրորդ դեղաչափով։ Այս մասին գրում է Tass-ը։

«Հենց հիմա ես ստացա երկրորդ պատվաստումը», - այսօր ասել է Պուտինը՝ Ռուսաստանի աշխարհագրական ընկերության հոգաբարձուների խորհրդի նիստում:

Պուտինը նաև հույս է հայտնել, որ համաճարակը շուտով կթուլանա, այդ թվում՝ պատվաստումների շնորհիվ:

«Հուսով եմ, որ համաճարակը շուտով կնահանջի, այդ թվում նաև պատվաստումների շնորհիվ, որոնք մենք ակտիվորեն տարածում ենք», - ասել է նա: