Մոսկվայի «Նիկո» պատկերասրահում կհնչեն Մանսուրյանի, Լուչանո Բերիոյի, Կոմիտասի ստեղծագործությունները

Ապրիլի 16-ին Մոսկվայի «Նիկո» պատկերասրահում տեղի կունենա «Հավատով խոստովանում եմ» համերգը, որի ընթացքում կհնչեն Տիգրան Մանսուրյանի, Լուչանո Բերիոյի, Կոմիտասի և այլոց ստեղծագործություններ: Այս մասին տեղեկանում ենք «Նիկողոսյան մշակութային հիմնադրամի»  ֆեյսբուքյան էջից: 

Հայաստանյան հանդիսատեսը հնարավորություն ունի հետևել համերգի ուղիղ հեռարձակմանը «Նիկողոսյան մշակութային հիմնադրամի» յութուբյան ալիքում:

Կատարողներ՝
Վարսենիկ Ավանյան (մեցցո սոպրանո)
Սերգեյ Պոլտավսկի (ալտ)
Վասիլի Կորոստելյով (դուդուկ)
Կարինա Պողոսբեկովա (դաշնամուր)
Տղամարդկանց երգչախումբ և QUESTA MUSICA համույթ
Գեղարվեստական ղեկավար և դիրիժոր՝ Ֆիլիպ Չիժևսկի
Սկիզբը՝ 19:30 (Երևանի ժամանակով՝ 20:30)