Թուրքիայի արտգործնախարարը ջղաձգված գրառումներ է կատարում իր թվիթերյան էջում

Թուրքիայի Արտաքին գործերի նախարար Մևլութ Չավուշօղլուն ԱՄՆ նախագահ Ջոզեֆ Բայդենի ապրիլքսանչորսյան ուղերձից և նրա կողմից ցեղասպանություն բառը պաշտոնապես կիրառելուց հետո թվիթերյան իր միկրոբլոգում գրառում է կատարել։ Այս մասին գրում է ermenihaber-ը։

Չավուշօղլուն մասնավորապես նշել է.

«Բառերը չեն կարող փոխել պատմությունը, չեն կարող վերաշարադրել այն։ Մեր պատմության վերաբերյալ ոչ ոքից դաս քաղելու մտադրություն չունենք։ Քաղաքական շահախնդրությունը խաղաղության և արդարության հանդեպ դավաճանություն է։

Այս հայտարարության միակ հիմքը պոպուլիզմն է, և մենք այն ամբողջովին մերժում ենք»։

Չավուշօղլուն չբավարարվելով մեկ անգամյա գրառմամբ՝ հոխորտագին մեկնաբանությամբ երկրորդ անգամ  է կիսվել թվիթերի իր էջում։