ԱՄՆ-ն վերացնում է Johnson & Johnson պատվաստանյութի սահմանափակումները

ԱՄՆ սննդի և դեղերի վարչությունը, Հիվանդությունների վերահսկման և տարածման կենտրոնը վերացրել են Johnson & Johnson հակակորոնավիրուսային պատվաստանյութերի օգտագործման սահմանափակումները: Այս մասին հայտնում է «ՌԻԱ Նովոստի»-ն։

Երկու կարգավորիչներն էլ կարծում են, որ պատվաստանյութը պետք է շարունակի օգտագործվել և վստահ են, որ այն անվտանգ և արդյունավետ է: Դրա օգտագործման դեպքում թրոմբի առաջացման հավանականությունը գնահատվում է շատ ցածր, բայց կարգավորիչները խոստանում են ուշադիր հետևել այս կողմնակի էֆեկտի հետագա հնարավոր դրսևորումներին:

Արդյունքում, քվեարկության ընթացքում ամերիկյան բժշկական կարգավորող մարմնին կից փորձագիտական խորհուրդը որոշել է առաջարկել ԱՄՆ-ում վերականգնել Johnson & Johnson պատվաստանյութի օգտագործումը:

Ավելի վաղ հաղորդվել էր, որ Հիվանդությունների վերահսկման և տարածման կենտրոնը հետաձգել է Johnson & Johnson հակակորոնավիրուսային պատվաստանյութերի օգտագործման որոշումը: