Վրաստանի վարչապետը հանդիպել է Ադրբեջանի պետական ​​անվտանգության ծառայության ղեկավարին

Վրաստանի վարչապետ Իրակլի Ղարիբաշվիլին հանդիպել է Ադրբեջանի պետական ​​անվտանգության ծառայության ղեկավար Ալի Նագիևին: Այս մասին գրում է վրացական Առաջին ալիքը։

Վարչապետի մամուլի ծառայության հաղորդմամբ, զրույցը հիմնականում վերաբերել է անվտանգության ոլորտում համագործակցության հիմնական ուղղություններին: Ընդգծվել է Վրաստանի և Ադրբեջանի անվտանգության ծառայությունների սերտ համագործակցության կարևորությունը:

Կառավարության վարչությունում անցկացված հանդիպմանը մասնակցում էին Վրաստանում Ադրբեջանի արտակարգ և լիազոր դեսպան Ֆայգ Գուլիևը, Ադրբեջանի պետական ​​անվտանգության ծառայության միջազգային վարչության պետ Թայգ Էյնուլաևը և Վրաստանի պետական ​​անվտանգության ծառայության ղեկավար Գրիգոլ Լիլուաշվիլին: