ԱՀԿ-ն խորհուրդ է տվել Moderna-ն արտակարգ պատվաստումների համար

Առողջապահության համաշխարհային կազմակերպությունը (ԱՀԿ) խորհուրդ է տվել COVID-ի դեմ ամերիկյան Moderna պատվաստանյութն օգտագործել արտակարգ իրավիճակներում։ Այս մասին գրում է news.ru կայքը։

«Այսօր ԱՀԿ-ն COVID-19- ի դեմ Moderna պատվաստանյութը ներառել է արտակարգ իրավիճակներում օգտագործվող դեղերի ցուցակում` այն դարձնելով ԱՀԿ-ի կողմից հաստատված հինգերորդ պատվաստանյութը»,- նշված է կազմակերպության հայտարարության մեջ:

M-RNA տեխնոլոգիայի վրա հիմնված դեղամիջոցը խորհուրդ է տրվել 18 տարեկանից բարձր մարդկանց համար: Ըստ ԱՀԿ մասնագետների, այն ունի 94,1 տոկոս արդյունավետություն և կարող է պահվել -25-ից -15 աստիճան ջերմաստիճանում: Այնուամենայնիվ, պատվաստանյութը մեկ ամսվա ընթացքում կարող է պահվել 2-8 աստիճանով: